الثلاثاء، 14 أبريل 2009

اعتذار .. وألغاز

السلام عليكم جميعا ..
قبل كل شيء يجب علي أن أعتذر من كافة الزملاء المدونين وزوار المدونة الكرام عن انقطاعي الفترة الماضية عن زيارة مدوناتهم بل حتى التعقيب على الردود التي أكروموني بكتابتها هنا في مدونتي المتواضعة .. والسبب عائد طبعا لظروف العمل والانشغال .. والتي قد تشغلني فترة أخرى قبل أن أتمكن من استعادة عافيتي التدوينية والعودة إلى أصدقائي وأخواني وأخواتي الأعزاء في عالم الندوين الجميل ..
لذا أتمنى منكم التماس العذر وعدم الزعل خاصة على عدم زيارتي بشكل دوري ومنتظم لمدوناتمكم العامرة ..
__
أما الموضوع الآخر فمزاجي اليوم أن أنقل بعض الألغاز التي سمعتها من أحد أقاربي .. لأرى من سيحلها من الزملاء والزوار الكرام .. وذلك كنوع من التغيير بعد أن زهقت من السياسة والعمل والروتين :) والثلاث ألغاز بينها عامل الرقم ثلاثة .. لذا لم أجعلها أربعة ألغاز ;p وأرجو ممن يعرفها ألا يفضحنا ويقول قديمة ويحلها ;p
__
1- إذا كان هناك 3 محلات ذهب .. أحدها يبيعه مغشوشا مخلوطا بوزن زائد عشرة جرامات فقط ..
كيف يمكنك معرفة الغشاش من خلال استعمال الميزان الإلكتروني مرة واحدة فقط ؟
علما بأنه يحق لك الشراء من أي محل وبأي كمية .. يعني فلوسك زايدة ;p
.
2- أنت تجلس في غرفة تحتوي على 3 مفاتيح كهربائية لإشعال الضوء ..
وعلى بعد أمتار منك غرفة أخرى لا تستطيع الرؤية من خلالها وأنت في مكانك إذا كان ضوئها مولعا أم لا ..
وأحد المفاتيح الثلاثة هو من يولع ضوئها ..
كيف يمكنك معرفة المفتاح إذا كان يحق لك زيارة الغرفة الثانية مرة واحدة فقط .. تعود بعدها إلى غرفتك لتحدد المفتاح ؟
.
3- هذا لغز رياضي معقد لا تسألوني كيف حللته ;p
لديك 3 أوعية .. الأول يحوي كل سعته البالغة 10 لترات حليب .. والثاني خالي وسعته 7 لترات .. والثالث خالي أيضا وسعته 3 لترات ..
إذا جاءك زبونان وطلب كل منهما 5 لترات حليب .. وليس لديك أي وسيلة للقياس سوى الثلاث أوعية .. كيف تلبي طلبهم ؟ :)
سؤال يعور الراس أدري بس ينحل بعدة خطوات ;)
__
هذا ما لدي اليوم .. آملا لقاءكم على الخير والمحبة قريبا :)
لكم خالص المودة والتقدير جميعا ..

هناك 81 تعليقًا:

well_serviceman يقول...

مرحبا بعودتك العزيزه.. ومسموح يابعدهم..

البيئه شيئ طيب.. وعندنا مركز أبحاث علمي بالجامعه.. أقدر اساعدك فيها اذا ارسلتلي رساله عالبريد الالكتروني للمدونه..

اما بالنسبه للألغاز..
الاول عقدني.. وطلعت بأنك تجمع من كل محل قطعه بنفس الحجم او المعيار.. وتحطهم كلهم فوق الميزان وتطرح وزن او معيار كل واحده .. واللي فيها نقصان المضروبه..

الثاني.. افتح الثلاث سويجات واروح اخذ اللي أبيه!

الثالث: بإعتقادي.. ما يحتاج شي.. اخذ نص الوعاء الأول وحطه بالوعاء الثاني وانتهت المشكله.. :)

شاكرلك اللغز اللي حرك مخنه شوي

HSS يقول...

١) الحل سهل إستخدم وعاء مليان بالماء إلي الاخر و حط فيه آول قطعه ذهب و قيس حجم إنسياب الماء من الوعاء كرر الحركه مرتين ... الحل رح يطلع عندكم إن القطعتين رح يتساوي حجم رنسياب الماء منه القطعه المغشوشه سوف ينساب منها ماء أكثر من القطعتين .. خذ القطعه المغشوشه و قطعه أصليه إقسم الوزن علي ٢ و رح يطلع عندك ١٠ غرام زياده


٢) عندك ثلاث مفاتيح إعرف آي مفتاح يفتح غرفتك و عزله يبقي مفتاحين جرب واحد منهم و روح الغرفه الثانيه إن لم يعمل جرب المفتاح الاخر :)


٣) هذي لويا حليتها 9 خطوات

!= ١٠ لتر
❊=٧ لتر
#=٣ لتر


10 7 3
7 0 3
7 3 0
4 3 3
4 6 0
1 6 3
1 7 2
8 0 2
8 2 0
5 2 3

why me يقول...

مسموح ياللي تعذر .. بس لا تعيدها وتغيب ;pp



==

والالغاز واااااااي اكرهها



لوول

حجر كريم يقول...

السلام عليكم .... على عجالة

استاذنا الكريم ...
ولله ودي أخدمك ... عندي خبرة جيدة نوعاً ما بهالمجال وتقارير "بالأنجليزي" تم تقيمها من بروفيسور كان بالهندسة وغيرة ...

بس للأسف باجر طيارتي بس بدلك على شخص بيسهل عليكم كل شي

في بروفيسور بكلية البنات الجامعية بالعديلية أسمه محمد حمودة شي جذي بقسم التقنية البيئية كان دكتور بالهندسة حده يحب يخدم الأوادم ويهتم بالناس المهتمه بالتخصص ... ويشتغل بمركز الأبحاث العلمية ... عاش طول عمره برا شهادته قوية وشخصيته "ميييييييح"
بس حيل أحترمه ... وخبرته كبيره زار أماكن كثيره بالعالم منها سيبيريا عشان يسوي دراسات ومن التسعينات استدعاه معهد الأبحاث لعمل دراسات عن بيئة الكويت"وبالفعل تمت وشفتها"
حده خبير في مجاله والعام الجامعه كرمته بجائزة كبيره وميدالية بس ماذكر ليش بش شفته بالجرايد وتعاملت معاه ... حيل مصدر جيد للمعلومات وقسم البيئة بالكلية لأنهم كانوا بالهندسة وتبع معهد الأبحاث فمن الأساس عندهم دراسات جاهزة ...

بس من باب الأمانه ... لله يعينك على جرجتهم ...

ودي أخدمك أكثر بس اذا حصلت البروفيسور حموده رح تستفيد حيل
واذا ماحصلته دكاتره القسم ممكن يفيدونك ... بالتوفيق

فريج سعود يقول...

موفق ويعطيك العافية

اما الالغاز بدون جوائز ما احلها

احب الصعب

p:

أسيرة اللوحة يقول...

عذرك معك ^^

مبروك ع المسؤوليات الجديدة و انت قدها ,,
كنت اتمنى افيدك بس ماعندي خلفيه بيئية ,,
اما التدريب صراحه فرصه ياليت في امكانيه عندنا :( << هذا الي ناقص هههههههه

الالغاز و الله اني عقلي مقفل هالساعه مافي امل افكر بشئ غير النوم ,,

ان شاء الله احاول وقت ثاني ,,

دمت بخير ^^
و بالتوفيق

Enter-Q8 يقول...

بو كوثر هذا مو اعتذار هذا انتقام و خصوصا ان المخده قاعده تلوح بالافق مع نهاية زام الليل

اما بالنسبة لشغلك بو كوثر فريق عمل بالمحليات والا البيئة حدد
و بعدين عندكم برفيسور استفيدوا من خبراته و شهاداته بدال ما يكتب عن قطع غيار كمبيوتر

مركبنا يقول...

الله يعينك يا خوي



بس قلت البيئة ذكرت د.حمد المطر
له رؤوية وايد حلوة بهل موضوع
ممكن تستفيد منه

Enter-Q8 يقول...

مركبنا يوزي عن الدعاية

إمـرأة لا تُنسـى يقول...

صباح الخير أخ أحمد
الله يساعدك على كثر هالمسؤوليات، بالتوفيق ان شاء الله

Safeed يقول...

لو حاط نكت جان شاركت معاك .. بس ألغاز ما احبها :)

...

موفق إن شاء الله
..
و عندك جماعة الخط الأخضر بالكويت أغلبهم من المهتمين بالبيئة و قضاياها :)

سبمبوت يقول...

welcome bacl Ahmad .. we missed you but in the same time we know how busy you guys (( journalists)) must be in this very hectic time


Allah yateekom el 3afya ..

ma6goog يقول...

ما تبون رئيس تحرير؟

Yin يقول...

السلام

شيء طيب أن في اهتمام متصاعد بالبيئة
Better late then never

السؤال الأول ما عرفته !!

الثاني شغل كل السويتشز وروح :))

الثالث
صب العشرة بالثلاثة يتبقى 7
وبعدين صب الثلاثة بالسبعة
رد صب قارورة العشرة "فيها 7" بالثلاثة يتبقى 4
صب الثلاثة في السبعة = 6
صب الباقي في العشرة بالثلاثة يبقى 1
صب من الثلاثة بالسبعة يبقى 2
صب السبعة بالعشرة يصير 8
صب ال2 اللي في قارورة الثلاثة بالسبعة
صب من قارورة العشرة بالثلاثة
ضيفهم على السبعة يصير عندك 5

اووف ما بغيت أخلص !!
وايد أصعب بالكتابة من التفكير والعملي !!

شكرا على تشغيل مخوخنا :))

انسان يقول...
أزال المؤلف هذا التعليق.
بانوراما يقول...

عودا حميدا

منور البلوقر بعودتك الحميدة

======

بالنسبة للشغل

جم الأعمار المطلوبة ؟؟

والدوام من الساعة جم لي الساعة جم


========

أول لغز ما عرفته

ثاني لغز تضغط ع الأزرار كلهم

الثالث مالي خلق افكر فيه

مركبنا يقول...

Enter-Q8
ههههههههه
واي اخاف افتح جنطتي تطلع منها
قاعد لي خوش قعده

الريال كانت له صفحة جدا مميزة عن البيئة وصاحب مشاريع

علي إسماعيل الشطي يقول...

الحمد لله على السلامة

عزيزي بو كوثر

مطول الغيبات جايب الغنايم

إنت جايبلنا الغاز :))))

يالله ميخالف خلنا نطقطق فيها شوي

تحياتي لك أخي العزيز

ميمة السبيت يقول...

مساء الخير ..

*انت ماسك احلى جزء الجريده تدري ليش لأن بيئتنا دايما غبار و إذا بنغير المنيو رطوبه ..

** منو محصل وظيفة الحين الله بيصير طق مطاقق عندك الله يعينك ..

*** الغاز فيها ارقام و حسبه وخرنه عنها احنا تخرجنا من الجامعه و مخنه سكر إلى اشعار آخر

welcome back

Enter-Q8 يقول...

مركبنا حمد المطر اعرفه من ايام ميامي و المجابيس عنده شغل عدل ونازل انتخابات فلا تسوين دعاية له وبعدين عنده زاوية يكتب فيها
عاد شوفي متى بو كوثر يرد
شكلي بشترك معاهم علشان اصيده بس

بو محمد يقول...

بالتوفيق إن شاء الله

و أعتذر عن الألغاز ليش إني بروحي صاير لغز

دمت و الأهل و الأحبة برعاية الله

Paris يقول...

عوده حميده

و بالنسبه للالغاز اعتقد انهم يعقدون و

مالي خلق افكر فيهم

أحمد الحيدر يقول...

well_serviceman :

حبيبي والله ما تقصر .. بدز لك ايميل ونتفق انشالله فيك الخير :)

وبالنسبة للألغاز ..

جوابك الأول بروحه لغز الله يهداك ;p

شلون تحط كل وحدة وان اخوك ؟ اهي وزنة وحدة لك :))

الثاني يا حلاتك وانت تقول ثلاث سويجات .. شرايك احبكها واقول اذا فجيتهم ثلاثتهم تنفجر الغرفة ؟ ;p

نبي نعرف اي سويج وانا اخوك :))

الثالث يا زينك بعد .. ;p

شلون تعرف انهم 5 لتر وانا اخوك ؟ مو مقسمة بس تعرف كل وعاء جم يشيل :))

عموما ياليت كل امورنا بالدنيا تنحل بهالبساطة .. جان كنا بخير والله :)

الله يكثر من امثالك ..

وحياك الله :)

أحمد الحيدر يقول...

HSS :


1) والله ان ما فهمت عدل وجنك مستخدم شغلات اكثر من الوزنة الوحدة ;p

بس حتى لو فرضنا وانا اخوك شلون تميز اللي وزنها زيادة بين اخر 2 ؟

اسمح لي اقولك هاردلك :)


2) أشكرة غلط ;p
أقولك روحة وحدة وانا اخوك انت سويتهم 4 عادي ;p

3) الثالثة صدتني فيها .. ولو اني حليتها بعدد خطوات اقل .. بس برافو ;)


تحياتي ..

أحمد الحيدر يقول...

why me :

خوش اغنية .. تسلمين .. وانشالله ما أعيدها ;p

والأغاز تعور الراس معاج حق :))

تحياتي ..

أحمد الحيدر يقول...

حجر كريم :

وعليكم السلام ورحمة الله وبركاته ..

بالنسبة للتقارير حتى لو بالانجليزي دونت ووري سيس ;p ما تقصرين بكل الأحوال مشكورة :)

وتروحين وتردين بالسلامة انشالله ..

والقسم بكبره اول مرة أسمع فيه .. ضروري راح اتواصل معاهم انشالله :)

جدا فدتيني ما قصرتي اخيتي ..

تحياتي ..

أحمد الحيدر يقول...

فريج سعود :

الله يعافيك حبيبي :)

والجائزة نظام صلواتي .. أجرك على الله ;p

تحياتي ..

أحمد الحيدر يقول...

أسيرة اللوحة :

مشكورة أخيتي ما تقصرين ..

وإذا تبين ناخذج محترفة الساعة المباركة :))

والله يفتح عقلج ويوفقج لكل خير :)

تحياتي ..

أحمد الحيدر يقول...

Enter-Q8 :

:))))

ليش يخوك شسويت ؟ :))

وبالنسبة للمحرر راح يكون معاي انشالله .. يعني بالصفحتين اذا حب .. وبالنهاية اهو بيكون على نظام المكافآت موالتعيين .. يعني كل ما نشر موضوعات أكثر كل ما زادت مكافأته نهاية الشهر :)

شكلك ببالك شيب أو أحد .. لا تتردد بالسؤال حبيبي :)

أحمد الحيدر يقول...

مركبنا :

د.حمد المطر كان مترأس جمعية بيئية .. وله خبرة في هالمجال .. واهو حبيب انشالله لما يسقط راح اكلمه عشان نستفيد منه ;P

اتغشمر وياج :)) لا سمح الله :)

وشفيهم غارو سويله دعاية .. اهو أي دائرة أصلا ؟ إذا الثانية أصوت هناك انا ههه :))

تحياتي الكثيرة لج أخيتي ..

أحمد الحيدر يقول...

Enter-Q8 :

أي دعاية ؟ ;p

يخوي خلها عادي :)) بالنهاية اللي مقتنع فيه أو بفكر الأخوان المسلمين راح يصوت له بجميع الأحوال :))

تحياتي :)

أحمد الحيدر يقول...

امرأة لا تنسى :

صباح النور والسرور :)

الله يعين الجميع أختي :)

أحمد الحيدر يقول...

safeed :

جيراغ حبيبي ؟ :)))

حاول تحل الألغاز وأنا أخوك وإن ما قدرت عادي .. خبر نيس ;p

أما النكت اسمحلي دمي ثقيل :))

وجماعة الخط الأخضر راح يكون لي اتصال معاهم انشالله :)

بريتني سبيرز يقول...

تحذير : ضع ستكرز لاصق على كاميرا الاب توب


اختراق كاميرا جهاز اللاب
توب

1- اختراق الكاميرا المرفقة بجهاز اللاب توب , هناك برامج متنوعة يستطيع الهاكر المريض أن يخترق الكاميرا و يقوم بتشغيلها من دون أي دلاية و لا إشارة ضوئية للكاميرا و لا أي شيء إطلاقا .

2- يستطيع معرفة الباسورد الخاص بجميع إيميلاتك لأنه و بكل بساطة قد اخترق الجهاز عن طريق الآي بي IP بما معنى أن جميع خطواتك مراقبة حتى و إن قمت بتغيره الآي بي لا حقا سوف يتتبع إيميلك من جديد و يكشف الآي بي مع الباسوورد الجديد .


http://antihack-protect.blogspot.com/

محمد سعد القويري يقول...

أخي الإعلامي :: أحمد
بعد التحية
وعل بركة تولي مسؤولية صفحة البيئة ..
وعقبال الصحيفة :)

أما بالنسبة للألغاز .. فأنا أقول
الفضايح ترى .. ما لها داعي

وخلينا حلوين ^_^

أحمد الحيدر يقول...

سبمبوت :

شاكرلج أختنا العزيزة .. واللي مثلج أكيد يعرف يقدر شكثر المتاعب :)

مرورج الجميل أسعدني .. تحياتي

أحمد الحيدر يقول...

ma6gog :

يبون وزرا إذا فاضي خلني أطرح اسمك ;p

أحمد الحيدر يقول...

yin :

أهلا أختنا العزيزة ..

صفحة البيئة موجودة في القبس من زمان ..

وكان يتولاها الزميل العزيز أحمد الفضلي ..

لكن بسبب ظروف معينة حولت علي ..

وأهم شي شغل كل السويجات :))

اللغز الرياضي أفحمتيني ماشالله عليج .. :)

وانا أؤيدج بالجملة الأخيرة لأني كنت أفكر أوصل ن الطريح وأضيع :))

تحياتي لمرورك الجميل ..

أحمد الحيدر يقول...

بانوراما :

البلوق منور بوجودكم طال عمرج :)

والشغل ما يتطلب عمر محدد بس يفضل فئة الشباب يعني تحت 40 ;)

مافي وقت محدد بس المعدل يزيد عن 4 ساعات باليوم ..

يعني فيه تعب وجهد كبير ..

وإذا موظف أو طالب بالنهار أو حتى زام ليلي ماكو مشكلة :)

أما جواب الألغاز .. نورتي المحكمة ;p


تحياتي ..

أحمد الحيدر يقول...

مركبنا :

ما عليج منه أخيتي سوي دعاية حق اللي تبين .. :))

بو وليد نمون عليه ;)

( وهمسة بإذن بو وليد : القناعة صعب تتغير خاصة تجاه حزب معروف ;) )

تحياتي ..

أحمد الحيدر يقول...

علي إسماعيل الشطي :

هلا أبى الحسن :)

ئي أنا غنايمي ألغاز ;p

بس في 2 منهم ما انحلو ترى .. تقدر تستعين بصديق بس مو انا عشان لا يصير غش :))

تحياتي لمرورك الجميل دائما :)

أحمد الحيدر يقول...

ميمة السبيت :

ياليت المسألة بهالبساطة .. منيو :))

ولا طق مطاقق ولا هم يحزنون أخيتي مهنتنا حدها تتعب ومنفرة :))

أما سالفة الألغاز والمخ فكلنا بعد الجامعة يحوشنا عقر بقر مادري ليش :)

تحياتي
..

أحمد الحيدر يقول...

Enter-Q8 :

هااااا كجااابيس وطبخ من ورانا ؟؟؟؟ :))

وبعدين صج صاير اتأخر بالرد بس اليوم خوش ولد خاصة عقب جملتك هذه :))

تواجدك الدائم يفرح قلبي والله يا بو وليد .. يا عسى الفرح فالك :)

أحمد الحيدر يقول...

بو محمد :

بالتوفيق للجميع إن شاء الله :)

وشدعوة يخوي صاير لغز عسى ما شر ؟ بيعنا بالسوق وانا اخوك ..

ودمتم بأحسن حال يا رب :)

أحمد الحيدر يقول...

paris :

الله يسلمج أخيتي ..

شغلي مخج أخيتي .. اعتبريهم شي تحبينه .. رياضيات مثلا ;p

أحمد الحيدر يقول...

محمد سعدج القويري :

أهلا أخوي العزيز :)

يخوي الله يعينا تعب ومسؤولية :)

وعن التواضع وجاوب الألغاز لا تخاف من الحسد ;p

تحياتي ..

أحمد الحيدر يقول...

بريتني سبيرز :

شكرا :)

dr-maarafi يقول...

اهلا بهالطلة
الله يوفقك بالمهنة اليديداو بالاحرى الاشراف اليديد االه يوفقك و تبدع فيه

ان شاااله نشوف امهر و احسن المحررين متخرجين من تحت ايدك يا استاذ

و بالنسبة حق الالغاز احس مالي خلق افكر , اخلي الحلول لغيري :-)

-mate يقول...

الزميل الإعلامي أحمد عبدالحميد الحيدر

تحية طيبة وبعد،،،،،،،

أمانة إشرايك في تغطياتي الإعلامية؟ ما أصلح أشتغل وياك تحت سقف واحد؟ وتصير رئيسي بعد؟

مع خالص التحية والتقدير،،

إخوك، مايت
----------

يعني رسالة رسمية، مو غشمرة
:)

ميمة السبيت يقول...

ادري عن لوية الجرايد لأن ريلي زميلك بالمهنة فمطلع عيني مع تغطياته اللي ماتخلص .. بس شنسوي اكل عيش ، الحمدالله على كل حال .

Hashemy يقول...

اما عن الاعتذار فمافي زعل انشالله عشان يكون في اعتذار :)

ولكم باك :)

والله يعينك على هالمسؤوليات

بالتوفيق ان شاء اخوي :)

ويعطيك العافيه

الالغاز احاول احلهم بعدين يبيلهم قعده ;p

عفره يقول...

مرحبا بعودتك و الله يوفقك و يعينك
كان ودي اقول انا لأكون صحفيه بجريدتكم بس مشكلتي اني مزاجيه و الوقت عندي مو منظم يالله شنسوي بتخسرون وحده مثلي الله يعوضكم :P:P
كاااان ودي احل الألغاااز بس بعيد عنك مخي في سبااات كسلي مو راضي يفج عني

Momentum يقول...

ولكم باك

والصراحة شي رائع و جميل جدا انك حاط الاعلان بمدونتك مال القبس انهم يبون موظفين.. لو واحد ثاني جان قال: "محد يصير لي.. بس خلصت السالفة"

الله يوفقك ويحقق لك كل امنياتك

اما بالنسبة للالغاز ولا واحد عرفتهم و ابي اعرب الذهب لأني لو شنو ما راح اعرف افرق

Nikon 8 يقول...

في ورشة عمل عن دراسات المردود البيئي راح تصير في يوم 21 يونيو 2009 لحد يوم 24 يونيو 2009 على مستوى الخليج العربي واللي بيسوي ورشة العمل هي الشركة الوطنية للدراسات البيئية وأتوقع أنها تعود للدكتور محمد الصرعاوي .
مكان الورشة لم يحدد بعد .
موفق يا إعلاميناأحمد :)

princess adadi يقول...

اهلا من جديد اخوي

يعطيك العافية على شغلك

اما الالغاز ما تعبت عمري افكر بولا واحد فيهم لووول عقب باجر نبدي امتحانات وخاشة ذكائي حق الفيزياء وربعه

يعطيك العافية اخوي

أحمد الحيدر يقول...

dr-maarafi :

ويوفق الجميع دكتورنا الغالي :)

والله يسمع منك تحت ايدي او فوقها او يمها المهم نشوف صحفيين كوتيين كبار يديرون الصحف المحلية :))

تحياتي ..

أحمد الحيدر يقول...

-mate :

يه .. تصلح ونص .. الساعة المباركة يخوي وأتشرف :))

دايما متألق طال عمرك :)

أحمد الحيدر يقول...

ميمة السبيت :

مدام ريلج معانا الله يهديج أكيد تدرين إن الصحافة لقافة .. إني بسأل منو اهو ? :p


اتغشمر ..

الله يعينج والله .. أكو وحدة تاخذ صحفي ؟ ;p

تحياتي ..

أحمد الحيدر يقول...

hashemy :


الله يعافيك ويسلمك ويخليك حبيبي .. موفق :)

أحمد الحيدر يقول...

عفرة :

لاااا ؟ يالله الله يعينا ما عليه نحاول نلاقي احد يسد نص مكانج ;p

بالتوفيق للجميع اخيتي ما تقصرين :)

أحمد الحيدر يقول...

Momentum :

هذا الصح والواجب وانا أخوك ...

المهم شخص يرغب ويشوف في نفسه القدرة .. مو شرط يصير لي :)

شكرا على الدعاء وآمين إذا كان فيه خير :)

تحياتي ..

أحمد الحيدر يقول...

Nikon_8 :

معلومة جدا جميلة .. ويا ليت إذا حددوا المكان تبلغينا :)

ما تقصرين أخيتي .. دمتي بخير

أحمد الحيدر يقول...

princes adadi :

الله يعافيج أخيتي .. ويوفقج بالفيزيا وربعه يا رب :))

jonoon 3aqel يقول...

السلام عليكم...

قاعد أجول و أدور بين المدونات و زرت مدونتك بالصدفة..ف أتمنى تسمح لي بالتعليق...

البيئة..

الله يعينك على شغلك الاضافي..و ان شاء الله قدها...

الألغاز...

:)..انا كاتب تعليق عشان أجاوب :)

1) الله يسلمك تاخذ خاتم واحد من المحل الأول...و خاتمين من المحل الثاني...و ثلاث خواتم من الثالث...و توزنهم...
اذا طلع عندك الوزن زايد ب 10 ف الغشاش هو الاول..اذا زايد ب 20 ف الغشاش هو الثاني..و طبعا اذا ب 30...ف الغشاش هو الثالث...

2) على أمل ان واحد منهم يشغل ليت الغرفة اللي انت فيها...ف تجربهم ثلاثتهم..و تشوف اول شي من اللي يفتح الليت ف الغرفة اللي انت فيها...بعدين تفتح سويتج من الاثنين الباقيين..و تروح الغرفة...اذا الليت مفتوح..يكون هو السويتج..خير و بركه..
اذا مب هو..عيل الثالث....

صح؟؟

3) حلوه الشباب..

يعطيك العافية...و عساك ع القوة ان شاء الله...

تحياتي

kandroz يقول...

يالله حيا عمي بو كوثر :>
عاد ما لقى مديركم الا بوقت المدارس يعني :/
عاد خاطري ادش بس يعني شنسوي !!
ماتقدر تبدر واسطه لي عطلة الصيف :P:P

--------------------

علينا فيزيا فمخي شغال !
يقولك مافكرت الا باللغز الثالث بس : )

طال عمرك شوف الشرح بالاول

المعطيات
10 لتر - 7 لتر - 3لتر

المطلوب
5 لتر

* علامات التنصيص " " تدل على الباقي

ناخذ بو عشره ونصبه في بو سبعه، وبعدها من بو سبعه نصبه في بو ثلاثه ، يكون الباقي في الوقت الحالي داخل بو سبعه " 4 " لتر !
نرد بو ثلاثه داخل بو عشر " يكون داخل بو عشر 6 لتر " ، اما " 4 " اللي بقت داخل سبعه نصبها مره ثانيه داخل بو ثلاثه ! فيكون الباقي داخل بو سبعه " 1 " .
* نحط ال " 1 " داخل بو خمسه المطلوبه
نكرر الخطوه ، ونرد بو ثلاثه داخل بو عشره مره ثانيه ، فيكون الناتج داخل بو عشره " 9 " !
ناخذ بو عشر " 9 " ونقطه في بوسبعه ، ومن بوسبعه نقطه في بوثلاثه ، يكون الباقي داخل بو سبعه 4 مره ثانيه !!!
وهالاربعه ناخذها داخل بو خمسه والدنيا حلوه وكملت الخمسه :>


اهلا بعودتك :P

طموحة مملوحة يقول...

يعطيك العافية أحمد


ماتدري شكثر ودي اشتغل معاكم بالقبس بس مشكلتي الدراسة ..

على فكرة مواضيع البيئة حدي حدي حدي أحبها فاذا تسمح لي اساعدكم بس بدون ما اشتغل وياكم لوووول لأني بصراحة أحب الي يتكلمون بالبيئة واهي رسالة قوية جدا خاصة للكويتيين الي اغلبهم مايفكرون بالبيئة وكيفية المحافظة على البيئة الكويتية من نواحيها الثلاث ..

اشكرك أحمد وخلني على تواصل معاك اعرف دكاترة شكثر ممكن يساعدونا بمواضيع تخص البيئة :)

انا حاضرة

الحارث بن همّام يقول...

اعتذارك على راسنا

ودعوتك مقبولة

وألغازك محلولة :)

اللغز الاول والثالث سامعهم من قبل

أما اللغز الثاني
فأعتقد الجواب هو اخلي لمبة مفتوحة .. ولمبة مسكرة .. ولمبة افتحها شوي بعدين اسكرها فتكون حارة واعرفها

مادري شرايك ؟
:)

حـمد يقول...

هالله هالله بالطاقة المتجددة يا خوي

مدينة مصدر

http://www.youtube.com/watch?v=JeuXryPNvWY

ضوء المطر يقول...

منها للأعلى
أما الالغاز ..
الاول والثاني مالي خلق افكر فيهم
والثالث عرفت حله بس مابي اقوله اخاف يطلع غلط...
عيل شحقه داشه >>> مادري

دمت بود

:)

Salah يقول...

بالتوفيق ان شاء الله

البيئة شيء مجهول عندنا... الله يعينك

اللغز الأول حله كالاتي: اشتر خاتم واحد من المحل الأول و2 من الثاني و3 من الثالث!

أكمل!

:)

علي الملا يقول...

هذه المرة انا الذي اعتذر لك سيدي .. فلقد شغلتني الامتحانات ولم اتابع عودتك التي كنت اترقبها كما الكثيرون هنا ..
عودا حميدا وابداعا مديدا :)

أحمد الحيدر يقول...

jonoon 3agel :

وعليكم السلام ورحمة الله وبركاته :)

الله يعين الجميع .. ألف شكر :)

بالنسبة للألغاز كلهم غلط ;p

أتغشمر طبعا بس أطفرك :))

فعلا الجواب الأول سليم .. بس شمعنى خاتم ؟ يمكن يكون في خلل أصلا أو اختلاف بين وزن الخواتم ؟
فالأضبط نقول كيلو .. كيلوين .. ثلاث :)


الثاني حاول مرة أخرى :))

لأن لك روحة وحدة بس وترجع .. :)

والثالث حلت دنياك ..

الله يعافيك .. ويقويك .. وحياك الله دايما ..

أحمد الحيدر يقول...

kandroz :

افا عليك .. ننطرك لي الصيف :))

الألغاز كلهم انحلو ;p

أحمد الحيدر يقول...

طموحة مملوحة :

الساعة المباركة ونكون ممنونين لج بعد :)

أحمد الحيدر يقول...

الحارث بن همام :

تقريبا جوابك صح .. بس يبيله توضيح :)


مرورك الجميل اسعدني :)

أحمد الحيدر يقول...

حمد :

مشككككور جدا أخوي العزيز .. ما قصرت :)

أحمد الحيدر يقول...

ضوء المطر :

داشة تسلمين بس ;p

حياج الله :)

أحمد الحيدر يقول...

Salah :

صاج أخوي .. بس دور الإعلام التوعية .. والله يعين :)


كمل ;p

أحمد الحيدر يقول...

علي الملا :

عزيز وغالي ودائما مشرفنا ومخجلنا بتواصلك :)

MJ يقول...

الحل الاول: اخذ من كل محل مثلا 30 غرام وحطهم مع بعض فوق الميزان المفروض يطلع 90 لانهم 3 قطع وكل قطعه 30 وشيل واحد منهم اذا صار الوزن 60 يعني الي شلته اهو مغشوش اما اذا صار لي الوزن 70 للحين المغشوش موجود بعدها شيل واحد ثاني اذا صار الوزن 30 الي شلته مغشوش اما اذا صار الوزن 40 يعني الي للحين بالميزان اهو المغشوش

شركة تنظيف بالدمام شركة تاج يقول...


شركة تنظيف بالدمام

شركة تنظيف منازل بالدمام

شركة تنظيف فلل بالدمام

شركة تنظيف شقق بالدمام

شركة تسليك مجارى بالدمام

شركة تنظيف منازل بالخبر

شركة تنظيف فلل بالخبر

شركة تنظيف شقق بالخبر

شركة تنظيف بالخبر

شركة تسليك مجارى بالخبر

شركة كشف تسربات المياه بالاحساء

شركة مكافحة حشرات بالدمام