الأربعاء، 29 أبريل 2009
سرقة إيميلي :(
بكل أسف .. سرق بريدي الالكتروني منذ حوالي أسبوع .. وراسلت الهوتميل أكثر من مرة بلا فائدة حتى الآن :(
المهم .. هذا البوست فقط للتنويه ونشر البريد الجديد مع الاعتذار لكل من راسلني ولم يجد ردا .. ولي عودة بإذن الله في موضوع سرقة الإيميل وغيره .. وقد آثرت نشر موضوع السرقة فورا لأنني كنت قد قررت مسبقا أن أنشره مع موضوعي المقبل .. ولكن موضوعي المقبل شكله لن يولد عاجلا ! فرأيت الاستعجال في التنبيه حتى لا يتعامل أحد مع سارق الايميل على أنه شخصي المتواضع فيورطني !!
تحياتي للجميع ..
أخوكم : أحمد الحيدر
ahmad.alhaidar@gmail.com
الاشتراك في:
تعليقات الرسالة (Atom)
هناك 77 تعليقًا:
موقف كلش مو حلو
حسبي الله على اللي باق ايميلك
جي ميل انا شايفته احسن من الهوت ميل بوايد
Momentum :
أول المعزين .. لك جزيل الشكر ..
أخبروني بذلك .. لذا انتقلت إليه ..
ولكن بصراحة لازلت متحسفا على ضياع مافي بريدي السابق :(
تحياتي ..
السلام..
فيني بجيه..
قبل جم يوم دازه لك ايميل وانا ماحب ادز للذكور ..
واي استغفرالله علي حظ يكسر الصخر لما دزيت لصبي باقوا ايميل عسى مايبقون ايميلي..
مشكور ع التنبيه ..
والله يستر ..
مو خوش خبر
:(
يالله ماعليه
هونها وتهون
عظم الله اجرك
إن شاء الله ما تشوف مكروه بأي أيميل
والله يخلي لك ايميلك اليديد
سالم غانم
خطاك السوء يا بوكوثر
و معوض خير إنشاء الله تعالى
تحياتي لك
اييه
دفعة بلا ان شاالله
زين انك خليت الجديد جي ميل احسن من الخايس هوت ميل
خطاك السو
الحين اللي بيبوق يبوق ايميل؟
كااااااااااااااااااااااك :)
يعني مو بس انا !!
ما ادري شالسالفة .. ادش على ايميلي واكتب الباس وورد .. بس مايدخل !!!
مرة وره مرة .. وماكو فايدة .. الظاهرة نفس السالفة .. انباق !!!
كلنا بالهوى سوى وانا اخوك :)
وتحياتي ..
ويسلموااااااااااااااااااا :)
معوضين يا خوي
والله ابتلشنا بهالحرامية
في كل مكان ..
والله الواحد يخاف يدخل مدونته في يوم يشوف الوضع غير متاح ..
ما أقول إلا
ما لك إلا الصبر :(
عظم الله اجوركم, وجعلها آخر السرقات :)
شغالين هالأيام مادري شسالفتهم, حتى الجي ميل.
الحين عندهم طريقة يديدة, يخلون إيميلك عندك بس يعلقون بإسمك وانت ما تدري :(((
توها حاصلة بالمدام :(((
الله يستر
الغالي أحمد الحيدر
مساء الخير والنوير
أولا،،،خطاك السو
قبل أكثر من سنة تم سرقة ايميلي الشحصي...راسلت الهوتيمل عبر موقعهم..وليس عبر ارسال رسالة مباشرة لهم...اعتقد تجد هذا الامر في الكستمر كير
بعد يومين ارسلوا لي أكثر من عشرين سؤال حول الايميل مثل الاسم ، تاريخ الميلاد ، وآخر رسالة وصلتك ، هل يوجد فولدرات خاصة ، متى آخر مرة دخلت ايميلك باستخدام الباسوورد القديم
جاوبت على نص الاسئلة وارسلتها لهم...بعدها بيومين أرسلوا لي رابط فتحته لأجد ايميلي..مع نصيحة بأن أغير الباسوورد والايميل الاختياري
المضحك في الامر حينما ذهبت لأغير الايميل الاختياري وجدت ايميل الشخص الذي قام بسرقة ايميلي
:)
راسلهم وسيرجع الايميل كما كان دون مسح الرسائل..فهي تبقى لديهم مخزنه على السيرفر لمدة معينه
تقبل مني أجمل التحايا المسائية
lol
ياما تعيش وتشوف :)
شيبي هذا اللي بايق ايميلك؟
شيبي شيبي؟
لاه لاه لاه ..!!!! موووو خووووش خبريه !!!
خطاك الســـــــو !!! عااااد هذي حااااله ؟؟!!
شنووو هـــ العديميين الضمير ... مااابقى شي ما باقوووه !!!
يالله يا خوي يا أحمد الله يعوض عليك
فيك البركه
:)
الله لا يعطيهم عافيه...
موقف بايخ.. ولكن معلش مايهزك ريح
:)
ضريبة الشهرة يا بوكوثر :)
و معوض إن شاء الله
عليه العوض ومنه العوض
آخر السرقات إن شاءالله
وعساها خيرة :))
معلش تعيش وما تاكل غيرها :))
احمد ربك مو معلقين باسمك ببذاءة :(((
والله جزاه الله ألف خير كويتي لايعة جبده
حافظ على برستيجي :))
مادري ليش حركات اليهال هذي و شيستفيدون يعني بس اذية خلق الله
** اتمنى مايكون فيه شي شخصي .
يالله خلك انت لكبير و سولك واحد ثاني
خطاك السو يا بوكوثر
و ان شاالله تتعوض باحسن منه
أفاااا يالشيخ
:(
يالله ماعليه، مو أول واحد
إمعوض الخير يالحبيب، والله يسامح من كان السبب وعليك بنصيحة الأخ شقران دام إن اظبطت معاه ..
يردلك بالسلامة ان شاء الله
كل شيء معرض للسرقة هالايام وانا اختك
بس تحمل بروحك لا تنباق
أخوي احمد،،
اقترح عليك شي وتوافق عليه؟
اشتر لك دومين www.domain name.com مثلاً..
واحجز لك سيرفر سنوي..مايكلفك 20 دينار
(إن كان لك اعداء هاكرز احجز سيرفر أغلى يكون فيه سيكيوريتي)
انقل محتويات مدونتك من اهني إلى الدومين
ومن الدومين افتح لك ايميل عليه
ahmed@domain.com
بيكون شخصي.. ماحد يقدر يوصل لباسووردك
ايميلك تقدر تجيّك عليه من موقعك وأيضا تقدر تركبه على برنامج مايكروسوفت أوت لوك، ويكون عندك ارشيف لكل مراسلاتك.
.. لا يضيق خلقك، تكبر وتنسى :)
.. وإن كان موبايلك متطور نوعا ما وفيه خدمة الانترنت، تقدر تجيّك على ايميلك من الموبايل وأيضا تقدر ترد على ايميلاتهم.. حاله حال SMS
يخرب بيته
ناس ماتستحي وماعندها سالفه
انبطت جبدي حده قهر الصراحه
كل بوقه وانت بخير :)
الصراحة موضوع يقهر
نفس الموقف صاد ثنتين من خواتي
الله المستعان
ما تشوف شر أخوي أحمد
علم وتم اجراء اللازم
بعد التحيه ،،،
خطاكم السوءو يعطيك خير و يكافيك شر الايميل الجديد اخوي احمد
الثائــــر
:)
احمد ربك
اكو ناس باقوا مدونتهم
:)))
ما تشوف شر يابو كوثر وخطاك السو
معوض بالخير إنشاء الله :)
شيبي هذا ؟
الحمدالله والشكر ناس فاضية وما عندها ذووق
لا تتحسف معوض خير ان شاءالله
:)
السلام عليكم اعزيك على سرقة الايميل مع انها متأخرة واتحفنا بجيدك وبصراحة كتاباتك مبدعة يا مبدع ومنها للأعلى وبالتوفيق معاك الفيلسوفة
خطاك السو
ياخوك هل ايام الواحد يخاف يشبك ويلقى مدونته متصكره
الطريقة الي اعتقد باق فيها ايميلك اهيه
دزالك فايل محمل بالملفات المروجه بالباتش
او دخولك لرابط مزيف ووضع المعلومات الصحيحه
يالله ماعليه
أنا قريت كام حاجه كده بقالي كتير مش جيت هنا
عموما معلش علي سرقة الايميل بقي
حصل خير
تحياتي يا احمد
السلام عليكم
اخوي واستاذي ابو كوثر
نصيحة اخوية لاتنشر بريدك على المدونة لان البرامج تبع الهكرز تقدر تسرقه بكل سهولة
واذا كنت تقدر عمل ايميل رسمي يكون افضل لان نسبة السرقة تكون 1% لانك تقدر تغير الرقم السري بكل سهولة
او استعمل نموذج مراسلة يكون ايميلك محمي بشكل جيد ايضا مثل موقع
http://www.arabform.com/
وموقع
www.raslny.com
كل الود
الحمدلله والشكر اول مره اشوف واحد يعرف عن نفسه بالاعلامي!! عقده نقص ولا شنو بعدين تحب تمدح بنفسك وايد وتتكلم عن نفسك سواء بصوره مباشره او غير مباشره!! بعدين انا جني شايفك تمثل بمسلسل؟مادري كان تمثيل ولا صج؟المهم اتكن شوي وخلك ثقيل ولاتهمك نفسك وايد نصيحه من اخو اكبر منك وافهم منك واخذ تعليقي على صدر رحب وابتسم
:)
هذه الابتسامة خاصة لصاحب النصيحة الأخ الكبير سامي العلي :)
ولي عودة لاحقا مع تعليقاتكم الكريمة ;)
الى سامي العلي نصيحة مني اتمنى انك تتقبلها حسن اسلوبك مع الناس وخاصه بشخصيه اقرب الى المثاليه الصحفي والاعلامي احمد الحيدر
والمفروض منك تنمي وتشجع غيرك على العطاء ولايمتلي قلبك حقد وضغينه واحنا عارفين انجازات الاعلااااااااااامي احمد اما انت بصراحة شنو انجزت لان اسمك غريب علينا وكلامك يعكس على شخصك واعجبني رد الاعلامي احمد على كلامك وهذا دليل على مستواه الراقي
الفيلسوفة
حبيبي أبو كوثر
عندي طريقة لاسترجاع ايميلك
بس تحتاج انك تتذكر بعض التفاصيل من الايميل القديم
خبرني وراح اقدم اللي اقدر عليه
رورو الشخبوطة:
وعليكم السلام ..
معلش أخيتي لسوء حظي أنا ..
رجعي دزي على الايميل اليديد اذا تحبين :)
Manal :
الله كريم اخيتي ..
هانت :)
بانوراما :
أجرنا وأجرك :)
أجمعين ..
علي إسماعيل الشطي :
ما تقصر أخوي .. اجمعين انشالله :)
asoola :
ئي والله أريح أخيتي :)
تحياتي ..
Ma6gog :
خطاك اللاش ..
شفت شلون ..
لا وإيميل قديم وايد مستعمل ;p
Q8EL5AIR :
عيل انت اكثر واحد حس فيني ;p
نعيش وناكل غيرها :)))
محمد سعد القويري :
ئي والله يخوي من صبر ظفر ..
جزاك الله خير :)
yang :
لا حول ولا قوة الا بالله !!
يالله عظم الله أجرنا واجركم أخوي :)
شقران :
راسلت وزهقت بصراحة اخوي ..
اهم شي حاط إيميله .. بوقه هههه
يعطيك العافية عزيزي :)
Fankoshy :
ياما تتشمتت ;p
يعطيك العافية :))
why me :
شدراني عنه ..
قعد اقوله شمعنى انا ؟؟ واي مي ؟؟ ;p
Dolli o Milli :
الله يعوض على الجميع ..
شكرا على المواساة أخيتي :)
Well-serviceman :
نعم :)
شكرا على المواساة يا غالي :)
safeed :
أجمعين معوضين انشالله :)
تسلملي اخوي :)
مدام Yin :
ألف حمد وشكر لله ..
وجزاه الله ألف خير :)
بالتوفيق اخيتي ..
ميمة السبيت :
والله مالي غير هالحل أخيتي ..
الله كريم :)
شكرا على المواساة ..
Dr-maraafi :
خطاك اللاش دكتور .. بالذمة ما استاهل طبية سنتين على هالخبر المفجع ؟ ;p
مشكور حبيبي ما تقصر :)
-mate :
ربك كريم ..
مشى الحال :)
أتيت متأخرة :
تذكريني متى كاتب الموضوع ومتى قعد أجاوب.. أبو المتأخر ههه
مشكورة اختي ما تقصرين :)
امراة لا تنسى :
لقيتي اللي يعرف بهالسوالف عاد :)
بس شكلها الفكرة حلوة .. يعطيج العافية على الاهتمام ..
لكن كبرت ونسيت :))
kandroz :
آمين .. :))
Makintosh :
معلش أخيتي .. أزمة وعدت :)
justice maker :
وانتي بخير وصحة وسلامة :))
بنت سيف :
ويعين الجميع أخيتي .. مشكورة :)
Enter-q8 :
يعطيك العافية :)
بركان :
بعد التحية ..
الله يخليك ويبقيك :)
الزين :
الشر ما ييج اخيتي مشكورة :)
ويعينهم الله :)
Nikon8 :
اجمعين انشالله :)
ريانة العود :
ئي والله فاضي ..
الحمد لله على كل حال :)
غير معرف / الفلسوفة :
مشكورة اخيتي ما تقصرين :)
للكلمات بقية :
والله مادري يخوي .. المهم انباق .. عليه العوض ومنه العوض ..
تحياتي :)
أسماء عوني :
مكانك ومطرحك ..
:)
ربنا يعين ..
ابن بغداد :
جزيل الشكر عزيزي على النصائح ..
ما قصرت :)
علي الملا :
ما تقصر بو حسين ..
بس انا غسلت ايدي عقب هالعمر ;p
شركة تنظيف بالدمام
شركة تنظيف منازل بالدمام
شركة تنظيف فلل بالدمام
شركة تنظيف شقق بالدمام
شركة تسليك مجارى بالدمام
شركة تنظيف منازل بالخبر
شركة تنظيف فلل بالخبر
شركة تنظيف شقق بالخبر
شركة تنظيف بالخبر
شركة تسليك مجارى بالخبر
شركة كشف تسربات المياه بالاحساء
شركة مكافحة حشرات بالدمام
إرسال تعليق